مقال مهم لكل اللي عاوز يشتغل Freelancers

المقال ده مكتوب للأشخاص اللي :-
1- عاوزة تشتغل كـFreelancers.
2- للناس اللي متعرفش نمط حياة الـFreelancers.
3- لكل Freelancer لسه بيبدأ مشواره.

النقاط اللي جاية دي مكتوبة من تجارب +1900 يوم شغل كـFreelancer منهم سنة Work From Home ONLY حرفيا.

آخيرا وقبل بدأ المقال : ليا فلسفة بتقول مفيش حاجة إسمها مميزات وعيوب مطلقة ، لأن نقطة ما ممكن أشوفها ميزة إنت تشوفها عيب ، لذلك النقاط الجاية هاتتكتب بدون تحيز لأفضلية نقطة أو سخط من نقطة تانية.

1- الفريلانسر حُر من مواعيد العمل الثابتة اليومية الروتينية إلي حد ما.

2- الفريلانسر لازم يـManage وقته بفاعلية أعلي من مواعيد العمل الثابتة اليومية ، لازم يحدد ميعاد محدد لصحيانه ولشغله ولأكله ولعيلته ، لأنه لو معملش كده هايتحول لآله حرفيا.

3- الفريلانسر لازم يخلق لنفسه بيئة عمل مناسبة ، وتكون بيئة من خيال بتحفزه للشغل ، بجانب إنه يخلق روتين خاص بيه ، لأنه لو معملش كده هايتدحرج علي الـComfert Zone أسرع من الصوت.

4- الفريلانسر مدير نفسه ، وده شئ عظيم جدا ، معناه إنك إنت اللي هاتحط لنفسك الـTasks والـDeidlines وإنك إنت اللي هتعدل علي شغلك وإنت اللي هتحمس نفسك وإنت اللي هاتوبخ نفسك ، ولازم وإنت بتعمل كل ده تطلع Quality عالية عشان مفيش حد يقولك قشدة نظبط معاك دي وتتعلم في اللي بعدها ، لو مطلعتش Quality بنسبة كبيرة مش هايكون فيّ بعدها.

5- الفريلانسر محتاج يعلم نفسه بإستمرار لأنه حرم نفسه من فرصة التعلم الجماعي اللي ممكن تحصل جوه بيئة شركة ، واللي مش هايعلم نفسه بإستمرار مش هايشتغل. بجد مش هيلاقي شغل.

6- الفريلانسر المبتدئ و الفريلانسر المحترف ، كل الفرق ما بينهم بعد خبراتهم ، إدارتهم لنفسهم وشغلهم والقواعد اللي بيحطوها عند أي تعاقد ، وأهم فرق بين الإتنين هو الإلتزام.

7- الفريلانسر عادتا ومع الوقت بتلاقي ظهوره إجتماعيا أقل ، وعادتا ده مش بيكون بمزاجه ، هو نفسه يكون إجتماعي بس الشغلانة تحكم ، زي ما هتلاقي النجار دايما إيده فيها رايش خشب كده ، المهنة تحكم.

8- الفريلانسر المتخصص أحسن من الشركة القائمة علي One Man Show. فكل ما تسعي في طريق التخصص لـMajor معين مطلوب في السوق وتزود مهاراتك فيه ، كل ما هاتكون Unique وكل ما هاتدي نفسك مساحة إنك تتعلم مهارات أعمق وTricks وحاجات من هذا القبيل.

9- الفريلانسر عنده إمكانية إنه يفصل يوم ، بس مش شرط يقدر يظبط الإمكانية دي مع نفس يومك ، راعي ظروفه 

10- الفريلانسر مبياخدش مرتب ثابت ، ممكن في شهر يعمل $$$$ ويقعد 6 شهور بعدها بيعمل $ علي أعلي تقدير.

11- نتيجة للنقطة العاشرة ، الفريلانسر لازم يتعلم ويتقن مهارة الـExpense Management أو الـMoney Management.

12- الفريلانسر لازم يتخصص ، دي نقطة مُكررة عشان مهمة.

13- معظم الناس بره دواير شغلك مش هاتبقي فاهمة إنت بتعمل إيه ، فُكك وكمّل متزهقش.

14- في مواقع كتير ممكن تشتغل منها Freelancing ، خمسات – Upwork – Fiver – Freelancer مستقل – …آلخ ، فهو مجال مساحته عظيمة وتقدر تبدأ منها شغل.

15- لكن أنا من أنصار إنك تشتغل Freelancer عن طريق إنك تشتغل علي الـPersonal Branding – وإنك تكون تفاعلي أونلاين وعلي الأرض ، 90% من الشغل اللي جالي كان عن طريق صفحتي وعن طريق إعلاني بأني بدور علي شغل وآخيرا عن طريق الـRecommendations. وده مش معناه إن المواقع اللي فوق ملهاش لزمة ، بالعكس ، إطلاقا ، أبدا.

16- في الإتفاقات المادية ، خليك صريح ومحدد وقلبك جامد طالما شغلك محترم ، ويا إما الدفع يبقي 50% يدفعهم العميل يستلم قصادهم نص الشغل في الميعاد المحدد ثم الـ50% الآخري ويستلم باقي الشغل ، وإما المبلغ كله مقدم. أي تساهلات تاني تعملها بعد ما تكون إتعاملت مع العميل ده فترة أكتر من 6 شهور مثلا ، وإتقابلتوا مرة أو أكتر ، وبرده التساهلات متكونش في القيمة السعرية قصاد شغلك ولكن في طرق السداد. مش كل العملاء شياطين ، لكن مش كلهم ملايكه.

17- ولو هاتمشي بالسيستيم اللي قولته في الدفع في النقطة اللي فاتت ، لازم تكون جودة شغلك عالية ، وسمعتك نضيفة وإحترافية ، سمعتك نضيفة يعني كلمتك واحدة ، شغلك لا غبار عليه ، كلام الناس في المجال عنك مش وحش ، حاطط لنفسك إجرائات تضمن حق العميل عليك ، لأن مفيش عميل هيوافق علي النقطة 16 لو مكانش واثق في سمعتك وجودة شغلك.

18- السوق عرض وطلب ، والشغلانة اللي مجاتلكش إنهارده ، هايجيلك غيرها بكره ، والعميل إللي إشتغلت معاه مرة وبس ، وارد يرجعلك تاني ، القصد ، خلي لسانك طيب في كلامك عن عُملائك ومنافسيك ، ده هايخلي اللي حواليك يحترموك ويقدروك حتي لو مفيش بينكم أي شغل.

19- مش معني إنه فريلانسر إن أسعاره عالية جدا ، مش معناها برده إنه بيشتغل ببلاش ، والفريلانسر الشاطر هو اللي يقدر يعمل Price List لخدماته تكون مساوية لقيمة الوقت والمجهود والتعلم اللي بيبذله ، ويكون Competitive للموجود في الـMarket اللي شغال فيه.

20- جزئية إنك تسعر شغلك هاتيجي مع الوقت والإحتكاك مع خبرات من نفس مجالك وقياس شغلهم مع مستوي شغلك ، بس لازم يكون ليك فئة سعرية ثابتة نسبيا.

21- الفريلانسر صديق وفيّ لكل المواقع التعليمية أمثال Udemy – Coursera Edraak ..الخ ، دول اللي هاتستمد منهم مهاراتك ومعلوماتك ، دول اللي هيأثروا مع الوقت علي جودة شغلك وبالتالي هايعلوا من فئتك السعرية ، مفيش فريلانسر مبيتعلمش.

22- الفيلانسر لازم يتعلم الصبر – طولة البال – الرد بأسلوب مهذب ودبلوماسي – ويتحمل فكرة إنه بيتعامل مع العملاء مباشرة وبالتالي هو لازم يكون Updated وفايق طول الوقت.

23- الفريلانسر (المحترم) لما بيكون مبيعرفش يعمل حاجة بيقول معرفش ، ولا بياخدها لغيره ينفذها ولا بيفتح دراعاته ويخبط فيها ، الجزئية دي مهمة جدا جدا ، وياما عملاء رشحتلي عملا تانيين عشان بس (الشخص ده لو في حاجة مش بيعرف يعملها هيصارحك ويوجدلك بدايل تختار منها) ، لا بيجود ولا بيفتي ولا كل هذا الكلام اللي يقطع عيشك مع التكرار.

24- إنت ممكن تشتغل Freelancer لأكتر من 200 شغلانة ، دور علي مواقع الشغل الفريلانسج وهتلاقي مسارات شغل كتير ممكن تشتغلها.

25- وآخيرا ، الفريلانسر لازم يتخصص ، والمصحف لازم يتخصص.

مشاركة

التعليقات

اكتب تعليق


مقالات ذات صلة

إضافات وردبريس رائعة ومهمة تحديث 2018

إضافات وردبريس رائعة و مهمة...

View more
قوالب ورد بريس مجانية

قوالب ووردبريس عربية مجانية 2018

قوالب ووردبريس عربية مجانية 2018...

View more
 أفضل برنامج لجعل الكمبيوتر راوتر موزع للأنترنت

 أفضل برنامج لجعل الكمبيوتر راوتر موزع للأنترنت

مقدمه عن موضوع  أفضل برنامج لجعل...

View more
افضل البدائل المجانية لبرنامج داونلود مانجر

افضل البدائل المجانية لبرنامج داونلود مانجر

مقدمه سريعه و منظمة لمعظم...

View more
كيف تجعل حاسوبك سريع من موقع بالمجان

تسريع الحاسوب و العوامل المؤثرة فى سرعته

إن الملفات الزائدة مثل ملفات...

View more
حلول فعالة للتخلص من فيروس recycle

حلول للتخلص من فيروس Recycle

فيرس عنيد جدا , و...

View more
تسعيرات الخدمات من بالمجان

كيف تقم بتسعير خدمتك او برنامجك !!

فى حالة عندك مشروع و...

View more
جلب زوار لموقعك من موقع بالمجان

جلب زوار لموقعك من عالم بالمجان للسيو

قضية الحصول على زوار او...

View more
كيف تتعامل مع موظفينك ؟ نصائح من موقع بالمجان

نصائح لتعرف كيف تتعامل مع موظفينك

يعتبر العنصر البشري بشكل عام...

View more
تعرف ما هو انترنت الاشياء مع موقع بالمجان

مصطلح انترنت الاشياء و مميزاته من موقع بالمجان

لنتعرف سويا على هذا المصطلح...

View more